النظام الغذائي والطبقات الاجتماعية
قضايا الشباب
                                    النظام الغذائي أبداً مالو مصطلح بسيط بيعتمد عأكلنا وقت منعمل حمية غذائية  يعني متل ما بقولو بالعامي ما هو كلمة بالتم!
لأن ببساطة  بينطوي على عمليات الإنتاج والمعالجة وإستهلاك الأغذية، وكمان بيشمل اقتصاديات إنتاج الغذاء واستدامته ودرجة هدر الغذاء، وكيفية تأثير الغذاء على البيئة الطبيعية وصحة الفرد والسكان 

هالنظام الغذائي تم ملاحظة إنو بيختلف بين الطبقات الاجتماعية، وهون عم نحكي على اساس الثروة 

طيب شو دخل الطبقات الاجتماعية بالثروة؟
هون حطنا الجمال خلال التلاتين سنة الأخيرة لاحظ العلماء أنو السمنة بطلت تكون من سمات المجتمعات الغنية يلي منطقياً هنن اكثر قدرة على استهلاك الطعام الدسم فعلى العكس إنتاج النظام الغذائي صار حريص أكتر على الطرق يلي بتخليه صحي وعضوي وخالي من السكريات والدهون قدر المستطاع. 
 وبالتالي تكلفة هالنوع من الأغذية الصحية صارت أغلى والطبقات الاجتماعية يلي معها ثروة أكتر هي القادرة على اتباعو.

بينما بالمجتمعات الفقيرة والدول النامية تم ملاحظة إرتفاع معدلات السمنة بسبب إرتفاع نسب السكريات والنشويات بالطعام لأنها ببساطة أرخص وتكلفة إنتاجها وحفظها أسهل وبدوم أكتر يعني 3 بواحد 

لهيك اليوم ضروري نتوجه للشباب لأن هو الأمل بالمستقبل وأمل الدول النامية بالتحديد لمساعدة مجتمعاتهم بإيجاد حلول لإنتاج نظم غذائي صحي ومتوازن.
مثلاً عن طريق تشجيع اليد العاملة بالقطاع الزراعي وتوفير مقومات العمل بهذا القطاع والتسهيلات الضرورية لاستمراره. 

كمان نشر التوعية بحيث أنو لمجرد الأغذية يلي بتحتوي على سكريات ونشويات أرخص فهاد ما بيعني أبدا إنها منتجات جيدة وبالإمكان التخفيف من أسلوب هالغذاء قدر المستطاع واتباع البدائل الطبيعية بأنفسنا على اعتبارنا محظوظين أن المنتجات الزراعية الطبيعية متوفرة بكثرة بلداننا 

وبيوم الشباب العالمي نحنا كشباب مسؤولين اتجاه مجتماعاتنا ندعم توفير وانتاج نظام غذائي متوازن وحتى لو كان هالشي على نطاق ضيق ضمن منازلنا بس! 
وبيت مع بيت بيجمع وبيعمل مجتمع كامل صحي ومعافى 

#YouthPower #TransformingFoodSystems 
#YPEERSyria #Y_PEER #UNFPA #SYC
                                
2021-08-25 12:04:49