السير مع التيار" العدوى الاجتماعية"
"قل لي من تصاحب، أقل لك من أنت"

موضوعنا لليوم هو: السير مع التيار ((#العدوى_الاجتماعية))

هل فعلاً الصاحب ساحب؟

لما تحبي تلبسي نفس الجاكيت يلي لبستو فنانة بمسلسل...
أو وقت تحب تعمل نفس تسريحة الشعر للاعب كرة القدم المفضل عندك...
أو حتى إذا عم تقلد بدون قصد حركة أو كلمة بيضل يعملها أو يقولها رفيقك..

هي اسمها #العدوى_الاجتماعية.. واللي بتعني قابلية الإنسان لالتقاط #أفعال و#كلمات وحتى #خيارات الناس والمجتمع حوليه، واللي بتأثر عليه وعمستقبلو بشكل مباشر أو غير مباشر.

فمثلاً: بتزداد نسبة تعرضك للغباء كل ما زادت نسبة الأشخاص يلي معدلات ذكاءن منخفضة حوليك!
وكمان بتزداد احتمالية ممارستك للرياضة إذا كان الأشخاص اللي حوليك بيمارسوا الرياضة بانتظام.

عملياً، منتأثر بالعدوى الاجتماعية وقت تصير عملية اتخاذ قرار المحاكاة أو التقليد لشخص ما #لاشعورية، وبتصير المساحة الزمنية لتكوين محاكمة عقلية صحيحة بين المحفز والفعل صغيرة كتير، وهاد اللي منسميه #غريزة_القطيع (Herd Mentality)


وبالنهاية، لتقدر تكون صاحب قرارك وتمشي بالطريق اللي بترتحلو وتحافظ ععلاقتك مع كل أنواع رفقاتك فلازم تكون #واعي و #يقظ وتحدد #قيم تناسبك لتمشي عليها.. قبل ما شي صاحب يسحبك لتمشي بطريق ما بيشبهك.
منذ 5 شهر